Kryetari i Bashkisë së Shkupit, Petre Shilegov në rrjetin social ‘Facebook’ shkroi se është i gatshëm të debatojë me opozitën për shitjen e ‘shtëpisë së qytetit’.
“Kur të duan, ku të duan, në çdo medium, në çdo kohë, me çdo përfaqësues të opozitës, madje të vinë edhe 10 prej tyre, unë jam i gatshëm të ballafaqohemi dhe të debatojmë për shitjen e shtëpisë së qytetit”, shkruan Shilegov.
Ndryshe, EVN Maqedoni në ankand bleu shtëpinë e qytetit të Shkupit nga Bashkia e Shkupit për 12.7 milionë euro ndërsa opozita maqedonase kundërshtoi një gjë të tillë.
