Persona të panjohur natën e kaluar i kanë vjedhur nëntë drunj zbukurues, të mbjellur nga ndërmarrja publike para poliklinikës “Çair”.
Bashkia e Shkupit njofton se me këtë vjedhje është shkaktuar dëm material, si dhe është dëmtuar gjelbërimi në vendin ku drunjtë kanë qenë të mbjellur. Rasti është paraqitur në polici.
Ekipet e Bashkisë së Shkupit dhe NP “Parqe dhe gjelbërime” këto ditë kanë dalur në terren në të gjitha komunat e Shkupit për të mbjellur drunj të rinj dhe për t’i larguar ata që janë dëmtuar. Gjatë këtij aksioni, në lokacionin ku janë vjedhur drunjtë, do të mbillen tjerë.
“Mbjellja e drunjve është prioritet për Bashkinë e Shkupit, si investim për mjedis jetësor më të mirë. Shkupi dhe shkupjanët meritojnë të kenë hapësira më të bukura”, thonë nga Bashkia e Shkupit.