Zoran Milevski-Kiçeec dënohet me tre vite burg - Bota Sot
Zoran Milevski-Kiçeec dënohet me tre vite burg

Maqedonia

Zoran Milevski-Kiçeec dënohet me tre vite burg

Më: 4 dhjetor 2019 Në ora: 12:42
Zoran Milevski-Kiçeec

I akuzuari i tretë për rastin “Haraçi”, Zoran Milevski-Kiçeec pasi ka pranuar fajin në seancën e djeshme (3 dhjetor), sot i është shqiptuar dënimi prej: tre vite burg, njofton Telegrafi Maqedoni. Ai gjithashtu duhet të paguaj edhe harxhimet gjyqësore.

Bojan Jovanovski “Boki 13” dhe Katica Janeva nuk e pranuan fajësinë, ndërsa Zoran Milevski Kiçeec pranoi fajin për rastin “Haraçi”.

Në kuadër të rastit “Haraçi”, janë të akuzuar Bojan Jovanovski – Boki 13, ish prokurorja speciale Katica Janeva dhe Zoran Milevski-Kiçeec.

Prokuroria për Ndjekjen e Krimit të Organizuar dhe Korrupsionit informon se hetimi për rastin “Haraçi” është zgjeruar, gjegjësisht është sjellë vendim për zbatimin e procedurës hetuese kundër pesë personave fizikë dhe një personi juridik, për shkak të dyshimit se i dyshuari i parë ka kryer vepër penale në vazhdimësi “mashtrim” dhe vepër penale “pastrim parash dhe të ardhura të tjera nga vepra penale”. 

Shfaq komentet
comments powered by Disqus
Sot mund të lexoni Shfletoni kopertinat