Në Shqipëri po mbahet Samiti Rajonal i Turizmit, një aktivitet nga Ministrit të Turizmit dhe Mjedisit të Shqipërisë. I pranishëm në këtë eveniment rajonal është edhe ministri i ekonomisë së RMV, Kreshnik Bekteshi.
“Kam nderin që me ftesë të Ministrit të Turizmit dhe Mjedisit të Shqipërisë, Blendi Klosi jam pjesë e Samitit Rajonal të Turizmit. Më 26 nëntor, Shqipëria u godit nga një tërmet i madh që shkaktoi jo vetëm dëme të mëdha materiale, por edhe humbje jete. Por tani vijon periudhë e rinovimit në Shqipëri. Për këtë proces rindërtimi është e nevojshme jo vetëm ndihmë e madhe nga rajoni, por nga e gjithë bota. Unë dua që nga ky Samit t’u bëj thirrje të gjitha vendeve të ndihmojnë në rindërtimin e zonave të prekura nga tërmeti shkatërrues në Shqipëri. Maqedonia e Veriut do të vazhdojë ti qëndroj në dispozicion Republikës së Shqipërisë me të gjitha mjetet në mënyrë që të tejkalojë katastrofën që ka përjetuar”, tha Bekteshi.