OBRM-PDUKM-ja ka pranuar tekstin e propozim-Ligjit për Prokurorinë Publike. Grupi parlamentar dhe organet partiake do ta shqyrtojnë ditëve në vijim. Megjithatë, deputeti që ishte pjesë e grupit negociues të opozitës thotë se konsensusi është i vështirë derisa pushteti më shumë i kushton rëndësi dispozitave të ligjit për drogat se Ligjit për Prokurorinë Publike. Antonio Milloshoski thotë se janë të gatshëm që propozimin e Renata Deskoskës ta harmonizojnë përmes amendamenteve.
“Nëse do të kemi sukses, kjo varet nga prioritetet e shumicës parlamentare. Derisa në Kuvend më i rëndësishëm është Ligji për marihuan të thatë, vështirë do të jetë të kemi kompromis. Nëse LSDM-ja tërhiqet nga ligjet për droga, atëherë shanset rriten që të kemi sukses në miratimin e Ligjit për Prokurorinë Publike. Nuk dua të paragjykoj, por arritja e kompromisit nuk është punë e lehtë”, deklaroi Antonio Milloshoski, Deputet i OBRM-PDUKM-së.
Ministria e Drejtësisë pret që deputetët të heqin dorë nga inatet personale dhe të gjejnë konsensus për miratimin e ligjit. Mesazhi i euro-komisionarit për zgjerim, Oliver Varhelyi ka motivuar edhe më tepër pushtetin që të këmbëngul në miratimin e këtij propozimi.
“Porosia nga euro-komisionari ishte i qartë. Neve presim dhe duam që deputetët të gjejnë forcën dhe të votojnë të motivuar nga e ardhmja Evropiane e vendit. Të mos motivohen nga interesat personale dhe dëshira për t’iu shmangur përgjegjësisë para ligjit. Kjo është çështje e cila teston patriotizmin e tyre”, thonë nga Ministria e Drejtësisë.
Propozimi i ri të cilin Renata Deskoska në fund të dhjetorit e dërgoi në Kuvend, parasheh që kompetencat e PSP-së t’i marrë Prokuroria për krim të organizuar dhe korrupsion, në krye me Villma Ruskovskën. Prokurorët e shkarkuar special të vazhdojnë të punojnë në lëndët aktive gjyqësore, në hetime dhe para- hetime. Në mënyrë shtesë, ligji parasheh zgjerim të ekipit të Ruskovskës, që do të thotë që ish prokurorët special të konkurrojnë për vende pune në Prokurorinë e krimit të organizuar dhe korrupsionit. Kreu i Kuvendit, Talat Xhaferi thotë se Kuvendi është i gatshëm ta miratojë propozimin, atëherë kur partitë politike dhe deputetët do t’i tejkalojnë dallimet.
