Maqedoni: Personat me 65 vjet, do të mund të blejnë stazh për të marrë pension - Bota Sot
Maqedoni: Personat me 65 vjet, do të mund të blejnë stazh për të marrë pension

Maqedonia

Maqedoni: Personat me 65 vjet, do të mund të blejnë stazh për të marrë pension

Më: 24 janar 2020 Në ora: 16:34
Foto ilustrim

Personat të cilët i kanë mbushur 65 vjet, ndërsa nuk kanë 15 vjet stazh për shkak të asaj që nuk u janë paguar një pjesë e kontributeve, do të mund t’i blejnë vitet e stazhit që u mungojnë që të mund të marrin pension të pleqërisë. Këtë e parasheh propizim-vendimi ligjor i cili është në rend dite të seancës së sotme kuvendare.

Propozimi është dorëzuar nga grupi i deputetëve të BDI-së, ndërsa siç sqaroi njëri nga propozuesit Rexhail Ismaili, iniciativa del nga kërkesat e qytetarëve të cilët shumë vite prapa përballen me problem të tillë.

“Si rezultat i kërkesave të shumë qytetarëve, konstatuam se kjo çështje duhet të përgatitet si ligj”, tha Ismaili.

Deputetët e opozitës u shprehën se do të japin mbështetje në propozim-ligjin dhe vlerësuan se bëhet fjalë për vazhdim të vendimit ligjor që OBRM-PDUKM e ka sjellë në vitin 2015. Paralajmëruan amendamente në lexim të dytë me qëllim që të përmirësohet vendimi ligjor. Një pjesë e tyre kishin vërejtje në periudhën në të cilën dorëzohet ligji dhe konsiderojnë se bëhet fjalë për ligj parazgjedhor për blerje të votave.

Sipas Dragan Cuklev nga OBRM-PDUKM, ligji do të shkaktojë implikime financiare, në çka ka reaguar Ismaili i cili i ka mohuar pohimet e tilla me arsyetimin se me blerjen e stazhit do të bashkohen mjetet në fondin e FSPI.

Debati për këtë pikë nga rendi i ditës vazhdon me pushim të rregullt njëorësh.

Shfaq komentet
comments powered by Disqus
Sot mund të lexoni Shfletoni kopertinat