OBRM-PDUKM-ja largohet nga takimi për Ligjin për Prokurorinë, e kërkojnë Joveskin në negociata

Maqedonia

OBRM-PDUKM-ja largohet nga takimi për Ligjin për Prokurorinë, e kërkojnë Joveskin në negociata

Më: 24 janar 2020 Në ora: 17:15
OBRM-PDUKM-ja

OBRM-PDUKM-ja ka lëshuar takimin e grupeve të punës për Ligjin për Prokurorinë Publike pas dy kërkesave që i parashtroi për ministren e Drejtësisë, Renata deskoska.

Partia e Hristjan Mickoskit kërkoi diskutim publik për ligjin e prokurorisë ku do të jenë prezent edhe ekspertë profesor dhe përfaqësues ndërkombëtarë të të japin mendimin e tyre dhe të mos ketë një ligj të përpiluar vetëm nga politika.

Si kërkesë të dytë OBRM-PDUKM kishte kërkuar prezencën e kryeprokurorit publik Ljubomir Joveskit në negociatat për këtë ligj.

Siç deklaroi deputeti i OBRM-PDUKM-së, Antonio Milloshovski kërkesa për diskutim publik është pranuar nga ministrja Renata Deskoska, por jo dhe ajo për të thirrur urgjentisht Joveskin ne takimin e sotëm.

Ai tha se OBRM-PDUKM do t’i parashtrojë vërejtjet që ka për propozimi-ligjin vetëm në prezencë të Joveskit, i cili më herët kishte qenë kritik për propozim-ligjin e pushtetit.

Përfaqësuesit e tjerë e vazhduan takimin.

commentFirst article
Sot mund të lexoni Shfletoni kopertinat