Sektori për kontroll të brendshëm, hetime kriminalistike dhe standarde profesionale pranë Ministrisë së Punëve të Brendshme ka parashtruar kallëzim penal kundër I.T. nëpunës policor në Sektorin policor Rankovcë, SPB Kumanovë, i dyshuar për vepër penale “marrje të ryshfetit”.
Nga MPB-ja sot informuan se i denoncuari, gjatë kryerjes së veprimit zyrtar, shoferit të automjetit “Volkswagen Passat” me targa të Kumanovës i ka kërkuar dhe ka marrë ryshfet që të mos bëjë veprime zyrtare, gjegjësisht të mos përgatisë procesverbal për kundërvajtjen e konstatuar dhe urdhër pagesë në gjobë për kundërvajtjen e bërë nga Ligji për siguri në komunikacionin rrugor.
Sektori për kontroll të brendshëm, gjithashtu, kundër nëpunësit policor do të ngritë procedurë para komisionit kompetent për konfirmimin e përgjegjësisë disiplinore.
