LSDM: Qeveria po shpëton vendet e punës të goditura nga kriza e coronavirusit

Maqedonia

LSDM: Qeveria po shpëton vendet e punës të goditura nga kriza e coronavirusit

Më: 1 prill 2020 Në ora: 10:12
Foto ilustrim

Nga LSDM përmes një kumtese informojnë se qeveria e Republikës së Maqedonisë së Veriut miratoi pakon e dytë të masave ekonomike që synojnë adresimin më të shpejtë dhe më efikas të pasojave ekonomike nga coronavirusi.

Ata theksojnë se janë ndërmarrë hapa seriozë për të ruajtur vendet e punës për të gjithë ata që preken nga kriza e coronavirusit.

“Masat që nënkuptojnë të ardhura të garantuara për secilin punëtor gjatë krizës.Këto janë masa me vlerë prej 200 milion euro, masa solidariteti, ndihmë reciproke në situata të vështira, masa për të ndihmuar çdo familje, masa për kosto më të ulëta për secilën familje gjatë krizës.

Sot, të gjithë individët, e gjithë shoqëria jonë, ekonomia jonë, të gjithë janë përballur me një provë të rëndësishme, të cilën do ta kalojmë vetëm nëse jemi në solidaritet, nëse ndihmojmë njëri-tjetrin”, thuhet në deklaratën e LSDM-së.

commentFirst article
Sot mund të lexoni Shfletoni kopertinat