Bashkia e Shkupit informon se reshjet e djeshme të borës, që e kapluan të gjithë vendin, kanë shkaktuar dëme dhe e kanë vështirësuar lëvizjen e makinave dhe qytetarëve.
Siç thonë nga Bashkia, reshjet e borës kanë rrëzuar gjithsej 22 drunj, prej të cilëve 17 në vendbanime, ndërsa 5 në parkun e qytetit.
“Ekipet e Bashkisë së Shkupit dhe ndërmarrjeve publike menjëherë kanë dalë në terren dhe i kanë larguar drunjtë, ndërsa po sanohen edhe dëmet e shkaktuara nga rënia e drunjve”.
“Apelojmë tek qytetarët të jenë të kujdesshëm gjatë lëvizjes, gjithashtu i lusim për durim gjatë aktiviteteve për pastrimin e rrugëve”, thuhet në njoftimin e Bashkisë.
