Oda turistike-hotelierike e Maqedonisë sot bëri të ditur se mijëra objekte që ata përfaqësojnë nuk do t’i shfrytëzojnë masat qeveritare për shkak se janë të pakënaqur.
“Ne nga sektori hotelerik nga të gjitha qytetet duam të bëjmë të ditur se jemi të vetëdijshëm se masa më të mira nuk do të marrin. Për këtë arsye duam ta njoftojmë Qeverinë se sektori hotelerik, përkatësisht subjektet që i përfaqësojmë ne nuk do t’i përdorin masat e paralajmëruara dhe se mjetet le të shkojnë te ata që mbesin pa punë apo në sektorët ku mendojnë se do të arrihet efekt”, tha Martin Angellovski nga Oda turistike-hotelerike e Maqedonisë.
Në këtë mënyrë, sipas tij, institucionet në mënyrë të drejtpërdrejtë do të ndihmojnë pa futur në borxh hoteleritë.
Ai shtoi se të gjithë do të dëshironin t’i mmbajnë të punësuarit e tyre por nuk munden për shkak se nuk kanë të hyra dhe se këto objekte të para u mbyllën dhe të fundit me siguri do të hapen.
“Bëhet fjalë për firma të vogla që nuk kanë rezerva dhe nuk mund ta mbajnë barrën e kësaj krize”, theksoi ai.
Gjithashtu u njoftua se tashmë ka nisur procesi i largimit nga puna dhe sipas informacioneve të tyre më shumë se 60% e të punësuarve në Maqedoni kanë dalë nga puna dhe bëhet fjalë për 15 mijë të punësuar nga ky sektor.
