Punëtorët e “Shencia” filluan rikonstruimin e çatisë së Teatrit Shqiptar

Maqedonia

Punëtorët e “Shencia” filluan rikonstruimin e çatisë së Teatrit Shqiptar

Më: 22 maj 2020 Në ora: 15:56
Teatri Shqiptar

Punëtorët e ndërmarrjes “Shencia” më në fund u paraqitën në Teatrin Shqiptar. Filluan riparimin e çatisë që ka pikuar edhe pas 10 milion eurove të shpenzuara për renovimin e godinës. Çatia është lyer me hidroizolim i cili duhet të parandalojë që uji të pikojë në skenën kryesore.

Përfaqësuesit e kompanisë e cila gjashtë vite e riparoi ndërtesën, u paraqitën pasi Murtezi i kërcënoi me kallëzime penale nëse nuk vijnë për t’i rregulluar lëshimet pas riparimit. Sipas drejtorit, “Shencija”, sipas marrëveshjes, duhet që në dy vitet e ardhshme edhe ta mirëmbajë Teatrin shqiptar.

Në vitin 2018, revizorë të pavarur gjetën lëshime gjatë rinovimit. Tani, Ministria e Kulturës duhet të bëjë revidimin e të gjithë dokumentacionit të tenderit. Teatri Shqiptar është duke u rinovuar që nga viti 2014 dhe të gjitha afatet e dhëna janë shkelur.

commentFirst article
Sot mund të lexoni Shfletoni kopertinat