Partia maqedonase në pushtet LSDM, përmes një kumtese thekson se respektimi i masave mbrojtëse, mbajtja e maskës apo shallit, mbajtja e distancës, higjiena dhe dezinfektimi mbeten mënyra e vetme, mekanizmi i vetëm me të cilin mund të mbrohemi nga koronavirusi si individë ashtu edhe si shoqëri.
Sipas kësaj partie, injorimi i virusit dhe mohimi se ai ekziston nuk do të ndihmojë në tejkalimin e gjendjes dhe zvogëlimin e numrit të të infektuarve.
“Ekspertët e shëndetit monitorojnë nga afër situatën dhe propozojnë masa për mbrojtjen e shëndetit kolektiv dhe vendosjen nën kontroll të epidemisë bazuar në një analizë të situatës aktuale. Me këtë situatë krize, të gjithë jemi të prekur, si individë dhe si shtet dhe të gjithë duhet të kontribuojmë në zgjidhjen e problemit”.
“Prandaj, politizimi i situatës, vendosja e krizës me koronavirusin në një kontekst tjetër, përveç shëndetit të qytetarëve, nuk do të ndihmojë. Kjo është sjellja e papërgjegjshme e OBRM-PDUKM-së dhe duhet të ndalet menjëherë”, thonë nga LSDM.
Ata shtojnë se gjendja në sistemin shëndetësor, kapacitetet për kujdes të pacientëve, grupimet e njohura ku virusi po përhapet dhe të gjithë treguesit e tjerë sugjerojnë që sistemi i kujdesit shëndetësor është i organizuar dhe i përgatitur.
