Mbi shtatë mijë të infektuar me coronavirus në Maqedoni - Bota Sot
Mbi shtatë mijë të infektuar me coronavirus në Maqedoni

Maqedonia

Mbi shtatë mijë të infektuar me coronavirus në Maqedoni

Më: 5 korrik 2020 Në ora: 18:44
Foto ilustrim

Numri i të infektuarve me Kovid 19 në Maqedoninë e Veriut kalon shifrën 7000. Në 24 orët e fundit janë regjistruar 115 raste të reja, me çka numri i përgjithshëm i të prekurve që nga fillimi i pandemisë shënon 1046. Gjatë 24 orëve të fundit kanë humbur jetën 7 pacientë, ndërsa janë shëruar 40 të tjerë.

“Ministria e Shëndetësisë informon se në 24 orët e fundit janë bërë 1032 testime, ndërsa janë regjistruar 115 raste të reja me Covid 19. Në Shkup 53, Kumanovë 4, Dibër 6, Shtip 3, Prilep 6, Tetovë 8, Strufë 13, Veles 1, Ohër 8, Gostivarë 5, Probishtip 1, Sveti Nikollë 1, Kërçovë 4, Resnjë 2. Sot instituti për shëndet publik ka regjistruar 40 persona të shëruar në Shkup 26, Veles 2, Gostivar 3, Kërçovë 3, Resnjë 6. Kanë ndërruar jetë 7 persona, 5 pacientë nga Shkupi, një nga Tetova dhe një pacient nga Krusheva”, thonë nga Ministria e Shëndetësisë.

Dy prej pacientëve që kanë ndërruar jetë ishin të shtruar në Klinikën për Sëmundje infektive në Shkup, dhe ishin të moshës nga 50 deri në 70 vjeç. Në spitalin 8 shtatori kanë vdekur 5 pacientë të moshës, 56, 64, 65 dhe 82 vjeçare. Nga ministria njoftojnë edhe për numrin e pacientëve nëpër spitalet në territorin e të gjithë vendit.

“Në klinikën për sëmundje infektive në 24 orët e fundit janë pranuar 6 pacientë, gjithsej janë të hospitalizuar 88, 54 prej tyre janë në mbështetje me oksigjen, ndërsa nuk ka pacientë në ventilim mekanik. Në spitalin n Kozle janë të hospitalizuar 30 pacientë të rritur dhe 4 fëmijë, të dyshuar dhe pozitivë me koronavirus. Në spitalin 8 shtatori janë pranuar 12 pacientë të rinj, ndërsa gjithsej janë të hospitalizuar 123 pacientë, në makinë respiratorë janë 5. Në spitalin në Manastir janë të hospitalizuar 41, në Ship 45, në repartet infektive në Tetovë, Ohër, Veles, Kumanovë, Prilep dhe Gostivar janë të hospitalizuar 92 pacientë, të dyshuar dhe pozitiv me Covid 19”, shtojnë nga Ministria e Shëndetësisë.

Numri i pacientëve të shëruar është 3.027, ndërsa që nga fillimi i epidemisë kanë ndërruar jetë 341 persona. Numri i rasteve aktive në Maqedoninë e Veriut është 3678 persona. Në 24 orët e fundit janë bërë 1.032 testime, ndërsa prej fillimit të epidemisë janë bërë gjithsej 67.165 testime.

Shfaq komentet
comments powered by Disqus
Sot mund të lexoni Shfletoni kopertinat