Sela ofron dorëheqje, bashkëpartiakët refuzojnë dorëheqjen e tij

Maqedonia

Sela ofron dorëheqje, bashkëpartiakët refuzojnë dorëheqjen e tij

Më: 12 shtator 2020 Në ora: 18:43
Ziadin Sela

Kryetari i Aleancës për Shqiptarët, Ziadin Sela në Kuvendin Qendror ofroi dorëheqjen, por shumica refuzoi dhe vendosën që edhe më tej udhëheq me opozitën shqiptare.

Nga Aleanca për Shqiptarët zyrtarisht janë hequr kryetarët e degëve në Tetovë dhe Dollnen.

Sipas Selës, largimi i tyre pason për arsye se ata para zgjedhjeve kanë paralajmëruar bashkëpunim me partinë ‘Besa’ dhe me veprimet e tyre kanë shkelur statutin partiak.

Kuvendi Qendror i partisë në mbledhje punoi në gjashtë pika, dhe një nga pikat me propozim të vet Ziadin Selës, ishte edhe shkarkimi i tij. Me shumicë votash, dorëheqja u refuzua, ndërsa atij i vazhdohet mandati i kryetar partie.

Pas pauzës në mbledhjen e Kuvendit Qendror në sallën sportive ‘Rinia’ në Gostivar, Sela sqaroi vendimet dhe dorëheqjen e ofruar si dhe heqjen e disa anëtarëve nga radhët e tyre.

Për dorëheqjen e ofruar ai tha se është akt moral pas rezultatit zgjedhor, por vendimi ishte i kryesisë së lartë.

commentFirst article
Sot mund të lexoni Shfletoni kopertinat