Zv.kryeministri për Çështje Evropiane Nikolla Dimitrov, këtë mëngjes ka realizuar takim me ministrin gjerman për Evropë Michael Roth, vend i cili kryeson me BE-në deri në fund të vitit.
Siç njofton AIM, Dimitrov e ka informuar Roth për prioritetet e Qeverisë së Maqedonisë në fushën e eurointegrimeve dhe ka potencuar se “procesi aderues është mjeti më i mirë për të vendosur standarde dhe parime evropiane”.
“Maqedonia e Veriut është e përkushtuar të jetë vend demokratik, në të cili ndo të sundojë e drejta”, tha Dimitrov.
Ndërsa ministri gjerman Michael Roth, ka thënë se Maqedonia e Veriut mbetet prioritet i lartë për udhëheqësinë gjermane.
“Konferenca e parë ndërqeveritare me Maqedoninë e Veriut, fillimi i negociatave, janë nga prioritetet kryesore për udhëheqësinë gjermane me BE-në”, tha Roth.
Zv.kryeministri Dimitrov sot në Bruksel do të realizojë takim edhe me eurokomesarin për zgjerim Oliver Varhelyi, si dhe me nënkryetarin e Komisionit Evropian i angazhuar për politika të migracionit, Margaritis Sinas.
