Filipçe: Shqyrtohet mundësia që mbajtja e maskës të bëhet e obligueshme edhe në hapësira të hapura

Maqedonia

Filipçe: Shqyrtohet mundësia që mbajtja e maskës të bëhet e obligueshme edhe në hapësira të hapura

Më: 22 shtator 2020 Në ora: 14:08
Venko Filipqe

Ministri i Shëndetësisë Venko Filipçe, sot në konferencë për shtyp tha se shqyrtohet mundësia që në muajt e vjeshtës mbajtja e maskës të bëhet e obligueshme edhe në hapësira të hapura.

Ai gjithashtu tha se mendohet që të bëhet kufizim i numrit të mysafirëve në objektet hotelerieke dhe të ndalohet grupimi.

“Qëllimi jonë është që me kohë të vendosim masa që do të ndikojnë në parandalimin e virusit. Duam t’u ikim kufizimeve për lëvizje, por nëse kjo bëhet e domosdoshme, atëherë sigurisht që do ta bëjmë”, tha Filipçe.

Ai në konferencën e sotme informoi për gjendjen me coronavirusin në vend, duke thënë se edhe në vendin tonë por edhe në Evropë, pas përfundimit të verës, gjendja përkeqësohet.

Filipçe deklaroi se statistikat tregojnë që pacientët mbi 60-vjeç janë më të prekurit nga virusi COVID-19.

commentFirst article
Sot mund të lexoni Shfletoni kopertinat