Zaev – Thimonier: Maqedonia e Veriut ka kapacitete, është e rëndësishme të ruhet kursi drejt rrugës euroatlantike

Maqedonia

Zaev – Thimonier: Maqedonia e Veriut ka kapacitete, është e rëndësishme të ruhet kursi drejt rrugës euroatlantike

Më: 25 shtator 2020 Në ora: 12:51
Foto Ilustrim

Kryeministri i Qeverisë së Republikës së Maqedonisë së Veriut Zoran Zaev, u takua me Christian Thimonier, ambasadori i Republikës së Francës në vendin tonë, i cili e përfundon mandati e tij në vend.

Në takim, sipas njoftimit të sëhrbimit qeveritar për shtyp,  u riafirmua qëndrimi i Presidentit të Francës, Macron, që Franca sheh kapacitete në Maqedoninë e Veriut për integrime evropiane. Me këtë rast u shpreh mbështetja e vendit tonë që të ruajë kursin drejt rrugës euroatlantike.

“Treguam që kemi kapacitete të sjellim vendime me të cilat shteti shkon përpara. U bëmë anëtare e NATO-s, morëm vendim për fillimin e negociatave me BE-në dhe e presim mbledhjen ndërqeveritare për fillimin e negociatave, e përforcuam kohezionin ndëretnik në vend, i zhvilluam edhe më tej marrëdhëniet e mira fqinjësore, që e dëshmoi vizita në Athinë, ku biseduam për ekonominë dhe bashkëpunimin e bizneseve. Tani jemi të përkushtuar fuqimisht në luftën kundër krimit dhe korrupsionit dhe sundimit të së drejtës, që janë të nevojshme në integrimet euroatlantike, por edhe për qytetarët tanë të cilët presin t’i sigurojmë standardet evropiane në vend”, tha Kryeministri Zaev.

Në takim u shpreh pëlqim i përbashkët që konstruktiviteti nga ana të gjitha subjekteve politike është faktor i rëndësishëm ë zhvillimin e vendit.

Në takim u bisedua edhe për mundësitë që janë para Republikës së Maqedonisë së Veriut dhe Republikës së Francës në zhvillimin e bashkëpunimit të ndërsjellë, veçanërisht në ekonominë, shëndetësinë, energjinë dhe energjinë e gjelbër, digjitalizimin dhe është konstatuar se ka kushte për intensifikimin e bashkëpunimit.

commentFirst article
Sot mund të lexoni Shfletoni kopertinat