Bujqit të cilët në afatin paraprak nuk kanë arritur të dorëzojnë kërkesë për pagesa direkte për vitin 2020, atë do të mund ta bëjnë prej sot deri më 30 shtator, kumtoi Agjencia për mbështetje financiare në bujqësi dhe zhvillim rural.
Sipas Agjencisë, afati i ri është sjellur nga ana e Qeverisë dhe është konfirmuar sipas Urdhërit plotësues për pagesa direkte.
Kërkesat për marrje të mbështetjes financiare dorëzohen në mënyrë elektronike, me regjistrim në sistemin e ueb faqes së Agjencisë www.ipardpa.gov.mk.
“Sikur deri tani, edhe këtë herë bujqit të cilët nuk dinë vetë të dorëzojnë kërkesë ose kanë nevojë për ndihmë gjatë krijimit të kërkesës elektronike, mund të drejtohen në Njësitë rajonale të Ministrisë së Bujqësisë”, thotë drejtori i Agjencisë, Nikollçe Babovski.
Ai apelon që aplikuesit ta ruajnë afatin e ri plotësues, ndërsa gjatë dorëzimit të kërkesave të kontrollojnë nëse i kanë paraqitur të gjitha kulturat të cilat i kultivojnë dhe a janë shënuar të gjitha masat për të cilat kërkojnë mbështetje financiare.
“Nëse disa nga bujqit kanë bërë lëshime ose mendojnë se ka nevojë për ndryshime për shkak të papajtueshmërisë me gjendjen faktike, kërkesën mund ta tërheqin ose ta ndryshojnë në afat prej 30 ditëve nga dita e dorëzimit”, thekson Babovski.
