Mariçiq: Sindikatat do të kyçen në ndryshimet e Ligjit Zgjedhor dhe Kodit Penal

Maqedonia

Mariçiq: Sindikatat do të kyçen në ndryshimet e Ligjit Zgjedhor dhe Kodit Penal

Më: 1 tetor 2020 Në ora: 17:34
Foto ilustrim

Ministri i Drejtësisë Bojan Mariçiq, sot realizoi takim me përfaqësuesit e Shoqatës së Gazetarëve të Maqedonisë (SHGM) dhe Sindikatës së Pavarur të Gazetarëve dhe Punonjësve të Mediave (SPGM), ishte çështja e trajtimit dhe mbrojtjes së punonjësve mediatikë në Maqedoninë e Veriut.

Siç njoftojnë nga Ministria e Drejtësisë, në takim është diskutuar nevoja për të ndryshuar Kodin Penal (KP).

“Ministri Mariçiq theksoi se sindikatat do të marrin pjesë në përcaktimin e dispozitave të këtij ligji në fushën e krimeve që lidhen me forma të ndryshme sulmesh ose kërcënimesh kundër punonjësve të medias. Pavarësisht ndryshimeve ligjore, siç thuhet në deklaratë, bashkëbiseduesit ranë dakord se është akoma e nevojshme të veprohet me vendosmëri sipas detyrës zyrtare nga institucionet kompetente për të hetuar dhe sanksionuar këto akte”.

“Në të njëjtën kohë, në takim është diskutuar për ndryshimin e njoftuar të Ligjit për përgjegjësinë civile për fyerje dhe shpifje, për të cilin Mariçiq tha se aktualisht është duke u përgatitur një analizë e cila do të përfshijë rekomandime për ndryshime në ligj, të cilat do të shqyrtohen së bashku me sindikatat”, thuhet në njoftim.

Tema e fundit, por jo më pak e rëndësishme, siç thuhet në deklaratën e Ministrisë së Drejtësisë, ishte për ndryshimet në Kodin Zgjedhor në lidhje me dispozitat që lidhen me mediat, për të cilat Mariçiq paralajmëroi gjithashtu bashkëpunimin me sindikatat.

commentFirst article
Sot mund të lexoni Shfletoni kopertinat