Ministria e Shëndetësisë ka bërë të ditur se Kryetari i “Lidhjes së Romëve”, Amdi Bajram, i cili ndërroi jetë më herët gjatë ditës, ishte i infektuar me Covid-19.
Në njoftimin e ministrisë theksohet se testi është bërë pas vdekjes së tij, duke shtuar se janë ndërmarrë të gjitha masat për të parandaluar përhapjen e mëtejme të virusit.
Nga Ministria e Shëndetësisë bëjnë thirrje që varrimi të bëhet sipas protokolleve dhe të shmangen ceremoni, ndërsa u bëjnë thirrje që familjarët dhe të afërmit të bashkëpunojnë me autoritetet shëndetësore.
Amdi Bajram, mëngjesin e djeshëmndërroi jetë në moshën 64-vjeçare. Lajmin bër vdekjen e Bajramit e konfirmuar nga partia, Lidhja e Romëve të Maqedonisë.