Krerët e partive politike shqiptare në Maqedoninë e Veriut në ‘Facebok’ kanë uruar për festën e 28 nëntorit.
Ali Ahmeti:
Më kujtohet si i ri fare dhe fëmijë, në vitin 1970 pas ngritjes së flamurit, pas rënies së Fazli Graiçevcit dhe dhe Murat Mehmetit, si gjimnazist, depërtoi një literaturë prej poetëve popullorë nga jashtë që shpërndahej nga një mullixhi Sadri Mustafa në vendlindjen tonë.
Atëherë dhe sot nuk i kam harruar ligjërimet e atij poeti popullorë për ngritjen e flamurit ku ai përpiqet të shpjegoj për sakrificat që bënë për mbijetesë shqiponja dhe këtë ligjërim e ndërpret Ismail Qemali, gjithmonë sipas poetit popullorë:
Gëzuar festën tonë të madhe miq, rroftë kombi shqiptar!
Ziadin Sela:
Të dashur shqiptarë, 28 Nëntori, festa e shumfishtë për kombin, edhe pse këtë vit po shënohet nën hijen e pandemisë, na bashkon si gjithmonë, për t’i festuar në mënyrë modeste ngjarjet historike, që lidhen me heronjtë tanë kombëtar. Skënderbeun dhe kohën kur i kthehet atdheut, Ismail Qemalin me shpalljen e Pavarsisë së Shqipërisë dhe Komandantin Adem Jashari më luftën e UÇK-së.
Të gjitha këto ngjarje të lavdishme, pa Flamurin kuq e zi, me shqiponjën dykrenare, nuk do e kishin shkëlqimin që e kanë, e as fuqinë emocionale dhe dashurinë e të gjithë shqiptarëve, kudo që ndodhen ata.
Të dashur bashkëkombas për këtë festë madhështore, që mision e ka bashkimin dhe dashurinë mes vëllezërish të një Gjuhe, një Gjaku, një Kombi dhe rreth një Flamuri, GËZUAR!
Afrim Gashi:
Dita e Flamurit është festë që i bashkon shqiptarët anekënd botës, është festë mbi të cilën e ndërtuam shtetin, kombin dhe identitetin tonë mbarëkombëtar.
E gëzofshim për mot e jetë 28 Nëntorin.
Urime!
Bilall Kasami:
Mbi idealet e të parëve të lidhur me Besë, një histori e artë e shkruar me shkronja Shqiptarie ngjyrë gjaku, të derdhura mbi flamurin më të bukur në botë.
Gëzuar 28 Nëntorin!
Menduh Thaçi:
Me respekt të veçantë përkujtojmë Ditën e Flamurit dhe Pavarsisë së Shqipërisë, të gjithë ata që me sakrificën e tyre bartën te ne idenë për të qenë të lirë dhe krenarë. 28 Nëntori ka qenë dhe mbetet simbol i krenarisë, qëndresës dhe vendosmërisë së popullit shqiptar.
Uroj që të gjithë së bashku të vazhdojmë në këtë rrugëtim drejt realizimit të aspiratave tona të përbashkëta.
Në emrin tim personal dhe në emër të Partisë Demokratike Shqiptare, ju uroj të gjithë shqiptarëve kudo që janë Ditën e Flamurit dhe Festën Kombëtare të Shqipërisë.
Vesel Memedi:
Dita e flamurit dhe pavarësisë së shtetit shqiptarë është rrumbullakësimi i sakrificës së vazhdueshme të më shumë gjeneratave ndër shekuj, me synim krijimin e shtetit shqiptar në trojet etnike shqiptare. Falë kësaj sakrifice të madhe, më 28 Nëntor të vitit 1912 në Vlorë, Ismail Qemali me patriotët më të mëdhenj të kohës shpallën pavarësinë e Shqipërisë, pavarësi kjo që u legjitimua ndërkombëtarisht, edhe pse gjysma e tokave shqiptare u gjendën jasht kufijve të shtetit shqiptar.
Sot, në këtë ditë të madhe për kombin, duhet të themi me maturi të madhe se shqiptarët vazhdojnë të jenë nën një betejë të vazhdueshme për të rikonfirmuar veten si antarë të respektuar në familjen e kombeve perëndimore, ku ballafaqimi me drejtësinë i krerëve më të lartë të UÇK-së është dëshmia më e lartë e këtyre vlerave perëndimore, se shqiptarët ndër shekuj kanë luftuar për liri dhe drejtësi. Nuk ka dilemë se shumë procese kanë lëvizur përpara, por nuk duhet harruar se sfidat e kombit shqiptar janë po aq komplekse dhe sfiduese si edhe një shekull më parë. Kërkohet angazhim i të gjitha kapacitetve kombëtare në udhëheqjen e kombit në të gjitha tokat shqiptare, që përvjetoret e radhës të mos jenë vetëm kujtime historike, por edhe shpresë dhe ardhmëri më e ndritur për kombin shqiptarë. E gjith kjo do të arrihet vetëm me zbardhjen e së vërtetës për të gjith fenomenet që kanë ndodhur ndër shekuj, që kanë patur për synim lirinë, barazinë, dhe drejtësinë.
Dita e Pavarësisë është dita e përjetësisë së një kombi, dita më e rëndësishme dhe më jetike për pjesëtarët e tij. Andaj, më lejoni që në emër të Rilindjes Demokratike Kombëtare dhe në emrin tim personal, të gjithë shqiptarëve t’ua uroj Ditën e Flamurit – Ditën e Pavarësisë.
