Konfederata e Sindikatave të Lira thotë se propozimi i tanishëm që e diela të shpallet si ditë pushimi po përdoret për qëllime populliste dhe se KSL mban të njëjtin qëndim siç e ka mbajtur pranë Këshillit Social Ekonomik.
Sipas tyre, në ligj duhet të ketë ndryshime dhe se çdo punë gjatë ditës së diel të përllogaritet si punë shtesë dhe të paguhet 50% më shumë pagë ditore dhe se koha e punës nuk duhet të vazhdohet gjatë ditës së diel dhe të vlejë nga dita e hënë deri të shtunën.
Sipas tyre, me ndryshime të këtilla të kënaqur dalin edhe punëtorët por edhe biznes sektori.
Ata theksojnë se sipas ligjit aktual, puna shtesë mund të zgjasë më së shumti tetë orë gjatë një jave dhe më së shumti 190 në vjet.
“Gjithçka tjetër është popullizëm i thjehstë. Në njërën anë tregtarët lobojnë, ndërsa nga ana tjetër bëhet kaos në Ligjin për marrëdhënie pune nëse përshkruhet se kush ka të drejtë të punojë dhe kush jo. Në kohë krize, shumë lehtë mund të ndodh që për shkak të mospunës gjatë ditës së diel të ulen pagat dhe të shkurtohen vendet e punës”, thonë nga KSL.
