Ministri i Shëndetësisë Venko Filipçe, nesër do të ketë takim pune me Trupin koordinues për vaksina kundër COVID-19 nëpërmjet mekanizmit KOVAKS, që pritet në mënyrë globale të sigurojë vaksinat.
Nga ministria thonë se në takim do të shqyrtohet strategjia për imunizim me vaksinat kundër COVID-19, si dhe distribuimi, kategoritë e qytetarëve që do të vaksinohen së pari dhe procedura e vaksinimit.
“Në takim gjithashtu do të shqyrtohet përvoja e vendeve evropiane në pjesën e përgatitjeve për vaksinim, pas çka opinioni do të informohet për planin operativ për vaksinimin kundër COVID-19”, thonë nga MSH.
Ndryshe, Mbretëria e Bashkuar është bërë vendi i parë në botë që e ka miratuar vaksinën kundër COVID-19 dhe nga java e ardhshme do të fillojë gjithçka.
