Kryetari i Komunës së Kavadarit, Mitko Jançev, thotë se ai do të kandidojë për kryetar të OBRM-PDUKM-së, nëse kongresi i jashtëzakonshëm i shpallur për 28 mars voton mosbesim për liderin aktual Hristijan Mickoski.
“Nëse kongresi i jashtëzakonshëm voton mosbesim në Mickoskin, unë do të aplikoja për kryetar të ri të partisë. Unë do ta prezantoj programin tim para anëtarëve të partisë”, tha Jançev për “Faktor”.
Përndryshe, Bordi Nismëtar për thirrjen e një kongresi të jashtëzakonshëm të OBRM-PDUKM-së deklaroi se ata kanë siguruar një shumicë prej dy të tretave, e cila është e nevojshme që kongresi të jetë i ligjshëm.
Një nga personat kryesorë të kësaj iniciative është ish-kryetari i Komunës së Aerodromit Ivica Konevski, i cili akuzoi menaxhmentin e Mickoski për fillimin e një fushate kundër të gjithë atyre që kërkojnë përgjegjësinë e tij.
