Ministri i Shëndetësisë, Venko Filipçe nuk ka informacione nëse ish shefi i policisë sekrete, Sasho Mijallkov është testuar për Covid-19 ose nëse ka kontaktuar autoritetet shëndetësore.
Mijallkov pasi u “zhduk” që nga dita e diel, dje u paraqit dhe arsyetoi mungesën e tij me pretekstin se ka qenë në vetizolim sepse ka pasur temperaturë të lartë trupore.
“Nuk kam informacione nëse është testuar ose nëse ka kontaktuar Inspektoratin Shëndetësorë”, tha ministri Filipçe.
I pyetur se a mundet që virusi të kthehet brenda tre muajve, si në rastin e Mijallkovit, Filipçe tha se shkenca ende nuk ka përgjigje për këtë çështje.
