Qytetarët në Maqedoninë e Veriut kanë folur për emisionin “Ballkan” në lidhje me regjistrimin e popullsisë dhe aq që po ndodh me regjistrimin në diasporë.
“Po regjistrohemi. Deri tani nuk është bërë asgjë si duhet shpresojmë të bëhet vetëm kjo. Mendoj që mbi 25% në Maqedoni janë shqiptarë. Dilni shihni sa ka shqiptarë. Është shumë e thjeshtë për ata që duhet të shohin”, shprehet njëri prej tyre.
Ndërsa Albulena Halili nga rrjeti Pan-Albanica deklaron se regjistrimi është një nga proceset më të rëndësishme të shtetit.
“Regjistrimi është një nga proceset më të rëndësishme të këtij shtetit. Nga kjo varet koncepti I shtetit. Maqedonia e Veriut është multietnike ndërsa shtetit është i ndërtuar në konceptin monoetnik. Nuk e di si do arrihet por në skenarin më të keq opozita maqedonase mund ta bojkotojë procesin e regjistrimit. Spektri politik shqiptar ka qenë i unifikuar”, deklaron ajo.
