Sot në seancë plenare ligji për pakon e pestë ekonomike në Kuvendin e Maqedonisë

Maqedonia

Sot në seancë plenare ligji për pakon e pestë ekonomike në Kuvendin e Maqedonisë

Më: 15 prill 2021 Në ora: 09:46
Foto ilustrim

Sot, në Kuvendin e Maqedonisë do të vazhdojnë punimet për seancën e 32-të, ku në rend dite është ligji për pakon e 5 ekonomike.

Caktimi i kësaj seance, erdhi pasi dje kryeparlamentari Talat Xhaferi realizoi koordinim të jashtëzakonshëm.

Tani mund ta siguroni zyrën tuaj në Dukagjini Center – qendra më e madhe tregtare brenda Prishtinës

E SPONSORUARLEXO MË SHUMË

“Përfundimi i takimit koordinues është se nesër (15 prill), Kuvendi vazhdon me punë me seancën 32, ndërsa për dinamikën e mëtejme të punës, do të koordinohen në plotësim”, u njoftua dje pas takimit.

Ndërkaq për ligjet tjera të cilat po ashtu janë të bllokuara nga opozita, u njoftua se do të realizohen koordinime shtesë.

Ndërkaq, ministri i Ekonomisë, Kreshnik Bekteshi njoftoi se, në pakon e 5 nuk është vetëm masa për mbështetjen financiare për pagat, por ka edhe një numër masash të tjera që nënkuptojnë mbështetje indirekte për kompanitë dhe ndërmarrjet.

U njoftua gjithashtu, se afati për të aplikuar për realizim të pagesave për muajin shkurt dhe mars, është zgjatur deri më 30 prill, dhe e reja është se punëdhënësit do të jenë në gjendje të aplikojnë për të dy muaj në të njëjtën kohë.

Shfaq komentet
comments powered by Disqus
Sot mund të lexoni Shfletoni kopertinat