Kush vjen nga Maqedonia dy javë karantinë/ Deputeti i AMIE: Vendim i shpejtuar dhe i gabuar

Maqedonia

Kush vjen nga Maqedonia dy javë karantinë/ Deputeti i AMIE: Vendim i shpejtuar dhe i gabuar

Më: 20 prill 2021 Në ora: 14:26
Kush vjen nga Maqedonia dy javë karantinë/ Deputeti i AMIE: Vendim i shpejtuar dhe i gabuar

Deputeti i partisë Aleanca e Maqedonasve për Integrim Europiane (AMIE) Vasil Sterjovski, ka reaguar në lidhje me vendimin e Komitetit të Ekpertëve që personat që vijnë nga Maqedonia e Veriut dhe Greqia, do të qëndrojnë në karantinë për dy javë.

Në një njoftim për mediat ai ka thënë se është një vendim i shpejtuar dhe i gabuar nga Komitetit, pasi numrat e të infektuarve në rajon kanë rënë ndjeshëm.

Ky vendim sipas tij penalizon banorët të cilat jetojnë në kufirin shqiptaro-maqedonas nga Prespa deri në Gollobordë të Dibrës.

Deklarata e plotë:

Vendimi i Komitetit Teknik i Ekspertëve për të karantinuar për një periudhë dy javore çdo person që hynë në territorin e Republikës së Shqipërisë nga Maqedonia është një vendim i shpejtuar dhe i gabuar, pasi këto ditë shifrat e infektuarve në Maqedoni janë në ulje. Dje kur u mor ky vendim në Maqedoni kishte 135 të infektuar me Covid-19.

Ky vendim ekonomikisht penalizon banorët të cilat jetojnë në kufirin shqiptaro-maqedonas nga Prespa deri në Gollobërdë të Dibrës, të cilat duke përfituar nga afërsia e kufirit me Maqedoninë e kanë lidhur jetën e tyre me punë sezonale dhe aktivitete të tjera në rajonet kufitare të Maqedonisë.

Nga zona e Prespës, Bashkia Pustec çdo ditë në Maqedoni, hyjnë dhe dalin mbi 300 banor të cilat punojnë punë sezonale në fshatrat e Prespës në Maqedoni. Për këta banor të ardhurat e siguruara nga puna sezonale në Maqedoni në disa muaj, janë të vetmet të ardhura për familjet e tyre.

Komitetit Teknik i Ekspertëve duhet sa më shpejtë brenda javës ta rivlerësojë këtë vendim, pasi numri i të infektuarve në Maqedoni është në ulje dhe nuk e justifikon marrjen e këtij vendimi.

commentFirst article
Sot mund të lexoni Shfletoni kopertinat