Partia maqedonase në pushtet LSDM, përmes Kongresit online, sot do të zgjedhë zëvendëskryetarin e partisë dhe anëtarë të Këshillit Qendror.
Pas Kongresit, vijojnë mbledhjet ku zgjidhen nënkryetarët e partisë, sekretari i përgjithshëm, sekretari organizativ, sekretari për bashkëpunim ndërkombëtar, Këshilli Ekzekutiv, përkatësisht udhëheqësia.
Momentalisht zëvendëskryetare e LSDM-së është Radmilla Sheqerinska e cila paralajmëroi dorëheqjen, sekretar i përgjithshëm është Ljupç Nikollovski, ndërsa nënkryetarët janë Mila Carovska, Oliver Spasovski, Kosta Petrov dhe Muhamed Zekiri.
Gjatë ditës së djeshme kryeministri dhe kryetari i LSDM-së, Zoran Zaev nuk dëshiroi të flasë se kush do të ishte në pozitë udhëheqëse, duke thënë se partia e tij është e hapur për njerëzit të ri.
