Nga MPB njoftojnë se 16 persona nuk kanë respektuar orën policore.
“Nga ora 00:00 deri në 04.00 (17.05.2021) u konkludua se 16 persona nuk kanë respektuar orën policore.
Gjatë 24 orëve të kaluara (16 / 17.05.2021), në territorin e Republikës së Maqedonisë së Veriut janë regjistruar 469 kundërvajtje për mosmbajtje të maskës mbrojtëse”, thonë nga MPB.
Ministria e Brendshme u bën apel qytetarëve që të respektojnë masat dhe protokollet e miratuara nga Qeveria dhe së bashku të kontribuojnë në parandalimin e përhapjes së Covid 19.
