Të gjithë jemi lodhur nga pozicioni bullgar ndaj Maqedonisë së Veriut, i cili është i pakuptueshëm, i pambrojtur dhe destabilizues, thotë një diplomat evropian i pa emëruar për portalin e Brukselit “Politiko”, pas vendimit të djeshëm të Sofjes për të bllokuar përsëri fillimin e negociatave të vendit me BE-në në seancën e Këshillit të Çështjeve të Përgjithshme të BE-së.
“E pakuptueshme, e pambrojtshme dhe destabilizon Ballkanin Perëndimor. Bullgaria po humbet miqtë me një ritëm të shpejtë. Për fat të mirë, vendi nuk do të jetë në gjendje ta përballojë këtë në afat të gjatë”, tha diplomati për “Politiko”.
Portali thekson se presidenca portugeze me BE-në është e dyta pas asaj të Gjermanisë nga viti i kaluar, e cila nuk arriti të mbajë konferenca ndërqeveritare me Shqipërinë dhe Maqedoninë e Veriut, për shkak të pozicionit të Bullgarisë.
“Bullgaria vazhdimisht bllokon mbajtjen e konferencave të para ndërqeveritare për shkak të politikave të brendshme historike, të cilat askush në BE nuk i kupton”, shtoi “Politiko”.
