Dita e Takimit me Mërgimtarët, Lazim Destani kthehet në vendlindje

Maqedonia

Dita e Takimit me Mërgimtarët, Lazim Destani kthehet në vendlindje

Nga: B.S Më: 3 gusht 2021 Në ora: 06:03
Lazim Destani kthehet në vendlindje

Biznesmeni dhe filantropi Lazim Destani është gjithmonë prezent në vendlindjen e tij dhe trojet shqiptare, përmes ndihmave të ndryshme dhe përkrahjes së kulturës dhe trashëgimisë shqiptare.

Së fundmi, ai është rikthyer në vendlindjen e tij në fshatin Bozovcë të Maqedonisë së Veriut ku 1 gushti është kthyer në festë tradicionale për fshatin ku ai u lind e u rrit. Quhet Dita e Takimi me Mërgimtarët, ku prej vitesh mbledh mërgimtarët e Bozovcës përmes valles, këngës, kuvendimit, gëzimit dhe gatimit tradicional.

“Kënaqësi të madhe më solli dita e djeshme, 1 gushti, që tashmë është kthyer në festë tradicionale në katundin ku linda e u rrita, në Bozovcë. Dita e Takimit me Mërgimtarët, është dita kur tash e shumë vite këtu mblidhen së bashku mërgimtarët e Bozovcës, por edhe ata me origjinë nga ky katund, që gjendet thellë në gjirin e Sharrit të lashtë.
Gjithë të ftuarit në manifestim, si gjithmonë, këtu gjetëm atë mikpritjen bujare nga bashkëfshatarët tanë. Ata na nderuan përmes një organizimi të shkëlqyer, ku kishin sjellë lodra e curla si dhe sharki e çifteli për t’u kënaqur gjithë së bashku nën tingujt e bukur të këngës sonë popullore.
Shfrytëzoj rastin këtu t’i falënderoj organizatorët dhe gjithë bashkëfshatarët e mi për pritjen e ngrohtë e për sofrat e shtruara me gatesat tradicionale, si grosha, jahnia, flija, hallva, etj”, thotë vetë Destani.

Lazim Destani emigroi në Gjermani në vitin 1970 dhe sot, 50 vjet më parë.

commentFirst article
Sot mund të lexoni Shfletoni kopertinat