Bashkimi Demokratik për Integrim (BDI) shpreh ngushëllime të thella për gjithë familjarët që humbën më të dashurit në tragjedinë që ndodhi në Qendrën modulare për trajtim të pacientëve me COVID në Tetovë, ndërkohë që të lënduarve iu uron shërim sa më të shpejtë.
Bashkimi Demokratik për Integrim kërkon nga të gjitha institucionet kompetente të realizojnë hetim të plotë dhe të zbardhin rastin në tërësi, me ç‘rast të zbulohen arsyet e shkaktimit të zjarrit.
Njëkohësisht, BDI apelon deri te të gjithë që të japin kontribut në zbardhjen e plotë të rastit nga ana e institucioneve përkatëse.
Me këtë rast, Bashkimi Demokratik për Integrim ka vendosur anulimin e të gjitha aktivitetet të parapara në nderë të atyre që humbën jetën në rastin e tragjedisë së mbrëmshme.
