Në Komunën e Petrovecit, kallëzime penale për keqpërdorimin e pozitës zyrtare dhe pastrim parash

Maqedonia

Në Komunën e Petrovecit, kallëzime penale për keqpërdorimin e pozitës zyrtare dhe pastrim parash

Më: 24 shtator 2021 Në ora: 16:08
Foto ilustrim

Policia Financiare deri tek PTHP për ndjekje të krimit të organizuar dhe korrupsionit ka parashtruar kallëzim penal kundër pesë personave fizikë dhe tre personave juridikë për keqpërdorimin e pozitës zyrtare dhe pastrim parash në Komunën e Petrovecit.

Zëvendëskryeministri për luftë kundër korrupsionit Lupço Nikollovski theksoi se në maj të këtij viti ka marrë një parashtresë anonime për keqpërdorim të pozitës zyrtare dhe pastrim parash në komunën e Petrovecit.

“Drejtoria ka vepruar sipas kallëzimit dhe dje ka parashtruar kallëzim penal kundër pesë personave për dëmtimin e buxhetit të komunës së Petrovecit prej mbi 1,5 milionë euro”, deklaroi Nikollovski.

Kanë arritur, theksoi Nikollovski, shumë parashtresa edhe për punën e shumë federatave sportive, për çka tërë dokumentacioni është dorëzuar në Prokurori Publike për të vepruar.

Drejtori i Drejtorisë për Polici Financiare Arafat Muaremi, tha se deri tek PTHP-ja ka parashtruar kallëzime penale kundër pesë personave dhe tre personave juridikë.

Kundër këtyre personave, theksoi Muaremi, ekzistojnë baza për keqpërdorimin e pozitës dhe detyrës zyrtare, nxitje të keqpërdorimit të pozitës zyrtare, keqpërdorim të procedurës për partneritet publik privat dhe për pastrim parash.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat