Partnerët e koalicionit opozitar Alternativa & Aleanca për Shqiptarët, në prezencën e dy kryetarëve Afrim Gashi dhe Ziadin Sela, kanë marr pjesë në hapjen e Shtabit Lokal të koalicionit AAA – ASH, në Shuto Orizare të Shkupit.
Në praninë e aktivistëve opozitar, kryetari i Alternativës, Afrim Gashi, tha: "Komuna e Shuto Orizares ka 1 shkollë në gjuhën shqipe dhe kjo është tepër e ngarkuar.
Fëmijët e Vizbegut ecin 3 km në këmbë, në borë e në shi, ndërsa funksionarët e BDI-së në çdo cikël zgjedhor hedhin lopata në SHF të Vizbegut ndërsa asgjë nuk realizojnë.
Me fitoren tonë në zgjedhjet lokale të 17 tetorit, do ta realizojmë projektin për shkollën e Vizbegut, të cilën tash e ca vite BDI e ka shëndrruar në TV Novel”, përfundoi Gashi.
