LSDM-ja përmes një kumtese ka reaguar ndaj deputetit të OBRM-PDUKM-së, Dragan Danev, i cili tha se LSDM-ja ka harruar premtimet e bëra ndaj qytetarëve. Nga LSDM thonë se politikat destruktive të OBRM-PDUKM-së nuk do të nalojnë reformat për të cilat siç thonë, kanë votuar shumica e qytetarëve.
“Opinioni ka kuptuar dyftyrësinë, destruktivitetin dhe bllokadat në Kuvend nga ana e OBRM-PDUKM-së, e cila po tenton të ndalojë realizimin e reformave, për të cilat kanë votuar shumica e qytetarëve dhe të cilat sjellin paga më të mëdha, punësime të reja, institucione të pavarura dhe jetë më të mirë për të gjithë”, thuhet në reagimin e LSDM-së.
Nga kjo parti thonë se, përderisa Dragan Danev akuzon për bllokime, ai dhe kolegët e tij partiak në Kuvend në çdo mënyrë po tentojnë të pengojnë punën e Kuvendit dhe trupave kuvendorë.
LSDM thotë se qytetarët janë mërzitur nga politikat destruktive të OBRM-PDUKM-së, ndërsa thonë se përkundër këtyre bllokimeve ata do të realizojnë premtimet e dhëna qytetarëve.
