Sot, Zëvendëskryeministri për çështje evropiane, Bujar Osmani realizoi takim pune me drejtorin e Fondacionit Konrad Adenauer, Johannes Rey.
Siç informojnë nga Shërbimi për informim i Sekretariatit për çështje evropiane, në këtë takim Osmani e ka informuar drejtorin Rey për klimën e re politike në vend, përqëndrimin e Qeverisë së re drejt integrimeve evropiane, zbatimin e Planit 3-6-9, dinamikën e re politike të krijuar pas nënshkrimit të Marrëveshjes për fqinjësi të mirë me Bullgarinë, si dhe miratimin e Propozim-ligjit të ri për gjuhët me të cilin, siç thuhet në kumtesë, përmbyllet edhe pika e fundit e hapur nga Marrëveshja e Ohrit.
Zëvendëskryeministri Osmani theksoi se Fondacioni Konrad Adenauer mundet në mënyrë të dretpërdrejtë të përkrahë edhe Qeverinë edhe partitë politike nga të gjitha anët e spektrit politik që të punojnë sëbashku në realizimin e reformave të cilat janë në interes kombëtar, për të cilat është i nevojshëm konsensus i partive politike.
Osmani dhe Rey kanë biseduar për sferat në të cilat mund të përparohet bashkëpunimi në drejtim të përkrahjes së procesit të inegrimit evropian të vendit.
