Nga gjithsej 1.810 të burgosur në Idrizovë, në listën zgjedhore të shkruar kanë qenë vetëm 955.
Prej tyre në rrethin e parë kanë shkuar për të votuar 697, ndërsa 273 janë kthyer për shkak të skadimit të afatit të letërnjoftimeve. Pra gjithsej 423 të burgosur e kanë shfrytëzuar të drejtën e tyre për të votuar.
Ndërkohë që për këtë ka alarmuar dhe Avokati i popullit, Ixhet Memeti i cili ka thënë se në nivel shtetëror rreth 50% e të burgosurve edhe në rrethin e parë por edhe tani nuk mund të realizojnë të drejtën e tyre të votës për shkaqe të ndryshme, në shumicën e rasteve për shkak të afatit të letërnjoftimit.
Ai tha se ka kontaktuar drejtorinë e burgut që të organizojë në burg të vijnë ekipe të MPB-së dhe të fotografojnë të burgosurit të cilëve u ka skaduar afati i letërnjoftimeve, por nuk ka pasur reagim pozitiv nga ana e tyre.
