Kryetari i BDI-së përmes një kumtese për media ka uruar festën e Ilindenit. Ai thekson se 115 vjetori i kryengritjes së 2 gushtit në Krushevë na gjen më afër se kurrë nga realizimi i synimeve shekullore për liri, paqe dhe barazi.
“Maqedonas, shqiptar, vlleh e të tjerë u ngritën në këmbë bashkarisht për të kërkuar të drejtat e munguara. Me vizion për të ardhmën e përbashkët dhe me barazinë si pikënisje, ata vunë themelet e shoqërisë sonë të sotme. Edhe sot si 115 vjet përpara, bashkë po e ndërtojmë shtetin në frymën rilindase që përcaktonte përkatësinë tonë pranë Perendimit”, thonë Ahmeti.
Ai më tej shton se “këto data të shënuara duhet të na shërbejnë si motiv për t’u bashkuar në hapat e fundit të rrugës tonë të gjatë dhe ta realizojmë ëndrrën shekullore të qytetarëve tanë”.
