Komisioni Evropian ka reaguar për përdorimin e gjuhës së urrejtjes të kryetarit Gjorge Ivanov dje në Meçki Kamen, në të cilën ai deklaroi se nuk mbështes marrëveshjen me Greqinë për emrin.
Brukseli jep mesazhin se pret nga të gjitha palët të jenë konstruktiv, përcjell korrospondetja e AIM-së nga Brukseli.
“Presim nga të gjithë forcat politike të luajnë rolin konstruktiv nëpërmjet të mbështetjes së përbashkët të qëllimeve strategjike dhe ta sigurojnë zbatimin e marrëveshjes”, deklarojnë për AIM nga Komisioni Evropian.
Komisioni Evropian thekson se e mbështet marrëveshjen në mes Greqisë dhe Maqedonisë.
“Ka shumë hapa të cilat duhet të ndërmerren në të dyja vendet që marrëveshja të jetë konkrete, siç thamë do t’i mbështesim këto hapa në mënyrën më të mirë”, thuhet në përgjigjen e Komisionit Evropian.
Brukseli kërkon që qytetarët të marrin pjesë në referendum dhe të shfrytëzojnë të drejtën e tyre qytetare, sepse kjo është “moment vendimtar për të ardhmen e vendit”, thonë nga KE.
Në lidhje me ngjarjet në Krushevë, KE u bën thirrje qytetarëve që në mënyrë paqësore t’i tregojnë qëndrimet e tyre.
