Në Maqedoni nuk janë regjistruar të sëmurë nga ethet e Nilit Perëndimor - Bota Sot
Në Maqedoni nuk janë regjistruar të sëmurë nga ethet e Nilit Perëndimor

Maqedonia

Në Maqedoni nuk janë regjistruar të sëmurë nga ethet e Nilit Perëndimor

Më: 11 gusht 2018 Në ora: 17:29
Ilir Demiri dhe Gordana Kuzmanpvska

Nuk ka asnjë rast të regjistruar të etheve të Nilit Perëndimor në Maqedoni. Instituti për Shëndet Publik i Republikës së Maqedonisë disponon me të gjitha procedurat e nevojshme diagnostike, ekspertizë, reagente dhe gjithçka që është e nevojshme për diagnostifikimin dhe konfirmimin e kësaj sëmundje.

Këtë sot e deklaruan dr. Ilir Demiri, anëtar i Komisionit për sëmundje infektuese dhe dr. Gordana Kuzmanpvska, epidemiolog nga Instituti për Shëndet Publik.

“Në Klinikën për sëmundje infektive nuk ka pacientë të hospitalizuar me ethe të Nilit Perëndimor. Edhe gjatë kontrollove në ambulantë nuk është regjistruar ndonjë i sëmurë. Infektimi më shpesh kalon pa paraqitjen e simptomave dhe vështirësive. Madje 80% e infeksioneve me këtë virozë tek njeriu janë pa simptoma, ndërsa përqindja e mbetur më shpesh manifestohet përmes formave të lehta, me simptoma të ngjashme të gripit, të cilat kalojnë për tre deri në gjashtë ditë”.

Shtoi se shumë rrallë kjo sëmundje din të japë formë më të rëndë e cila manifestohet me meningit, encefalit… dhe ata të sëmurë janë subjekt i investigimit dhe hospitalizimit në Klinikën për sëmundje infektive. Sipas tij, parandalimi do të ishte që të minimizohet mundësia nga pickimi nga mushkonjat.

Dr. Kuzmanovska tha se në fazën fillestare të sëmundjes, simptomat janë kokëdhembje, temperaturë e lartë, ethe, lodhje dhe se është e nevojshme të kalojnë disa ditë që të definohet virusi.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...