Mjekët privat specialistë me letër të hapur për kryeministrin Zoran Zaev - Bota Sot
Mjekët privat specialistë me letër të hapur për kryeministrin Zoran Zaev

Maqedonia

Mjekët privat specialistë me letër të hapur për kryeministrin Zoran Zaev

Më: 15 gusht 2018 Në ora: 14:22
Foto ilustrim

Mjekët privat specialistë i kanë dërguar një letër të hapur kryeministrit të Maqedonisë, Zoran Zaev. Në letër thuhet se në panel-diskutimin e organizuar nga Asociacioni i Specialistëve, si dhe Ministria e Shëndetësisë dhe Qeveria më 11 qershor 2018, ju është premtuar se nga qershori do t’ju paguhen pagat edhe atyre që janë paraqitur në konkurs në janar të këtij viti.

Në letrën publike specialistët thonë se të njëjtin premtim e kanë marrë edhe nga ana e ministrit të Shëndetësisë, Venko Filipçe, në konferencën për shtyp të mbajtur në maj.

“Atëherë ministri i Shëndetësisë tha: Ju jeni pjesa kreative e shoqërisë sonë, ju patjetër duhet që të ngeleni në këtë vend, ju jeni ardhmëria e shëndetësisë dhe mjekësisë sonë. Nga korriku do të paguhet rroga e majit, ashtu siç marrin edhe specializantët tjerë, ndërkaq plotësisht punojmë në zgjidhjen e problemit tuaj”, thuhet në letër.

Ata thonë se procesi ende nuk është as në fillim dhe se nuk kanë parë asnjë rrogë.

Së bashku me letrën e hapur, mjekët privat specialist kanë dërguar edhe listë me nënshkrime të mjekëve të papaguar.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera