LSDM: OBRM-PDUKM-ja ende nuk ka qëndrim për të ardhmen e shtetit

Maqedonia

LSDM: OBRM-PDUKM-ja ende nuk ka qëndrim për të ardhmen e shtetit

Më: 18 gusht 2018 Në ora: 14:24
LSDM

Nëpërmjet një kumtese ka reaguar LSDM-ja ndaj akuzave të OBRM-PDUKM-së duke thënë se “Hristijan Mickoski dhe OBRM-PDUKM-ja ende nuk kanë qëndrim për çështjen kryesore për të ardhmen e shtetit, mbetet të kumtojnë se për çka janë, qytetarët janë për të ardhme të ndritshme, për anëtarësim në NATO dhe BE”.

Ata thonë se referendumin e 30 shtatorit qytetarët do ta thonë fjalën e fundit rreth të ardhmes së shtetit.

“Forcat progresive, partitë demokratike progresive, qytetarët, organizatat qytetare, të gjithë janë të bashkuar për të ardhme të ndritshme, për anëtarësim të Maqedonisë në BE dhe NATO, për zhvillim”, thonë nga LSDM-ja duke shtuar se vetëm Hristijan Mickoski dhe OBRM-PDUKM-ja nuk kanë qëndrim të qarët, dhe se nuk janë deklaruar se për çka janë.

Ata shtojnë se LSDM-ja është për ardhmëri evropiane në Maqedoni dhe se Maqedonia duhet të jetë anëtare e BE-së dhe NATO-s, ndërsa, OBRM-PDUKM-ja, sipas LSDM-së deri tani kanë treguar se janë të gatshëm ta flijojnë ardhmërine vetëm për amnistimin e Nikolla Gruevskit dhe kriminalitetin e OBRM-PDUKM-së.

“Në referendumin e 30 shtatorit do të zgjedhin të ardhme të ndritshme, do të zgjedhin anëtarësim në NATO dhe BE për identitet të përforcuar dhe të pranuar maqedonas”, thonë nga LSDM-ja.

Sot mund të lexoni Shfletoni kopertinat