Para një numri të vogël të mbështetësve, Koalicioni për bojkot të referendumit për emrin e Maqedonisë filloi fushatën kundër pjesëmarrjes në referendum.
Kreu i partisë pro-ruse, të quajtur "Maqedonia Unike", Janko Baçev tha se për fushatën bojkotuese të referendumit do të udhëtojë në të gjithë Maqedoninë për t'i njoftuar qytetarët se kjo marrëveshje e emrit është e dëmshme për shtetin.
Mbështetësi i zjarrtë i interesave të Putinit në Maqedoni tha se rreth 60 shoqata i janë bashkangjitur kësaj nisme dhe se të gjitha harxhimet mbulohen nga financimi i anëtarëve.
Gjatë konferencës për shtyp, folësit ofenduan shqiptarët dhe funksionarët e lartë ndërkombëtar që e vizituan Maqedoninë këtë javë, dhe që ofruan mbështetjen e tyre për referendumin e 30 shtatorit.