Rezultati i referendumit në ish-Republikën Jugosllave të Maqedonisë është kontradiktor, një numër i madh qytetarësh thanë po, por kjo nuk është në përputhje me pjesëmarrjen në referendum
Kështu thotë Ministria e Jashtme e Greqisë duke shtuar se vendi mbetet i angazhuar për Marrëveshjen e Prespës.
“Një pjesë e madhe e shtetasve të shtetit fqinjë mbështeti marrëveshjen (me Greqinë), por një pjesë e rëndësishme e tyre ishin skeptik, Greqia respektoi zgjedhjen e qytetarëve të ish Republikës Jugosllave të Maqedonisë. Hapat e mëtejshëm kërkojnë seriozitet të të gjitha palëve pa përjashtim në mënyrë që të ruhet potenciali pozitiv i Marrëveshjes së Prespës”, thuhet në reagimin e kësaj ministrie.
Në referendumin e së dielës për emrin e Maqedonisë sipas të dhënave të fundit të Komisionit Shtetëror të Zgjedhjeve (nga përpunimi i 97 për qind të të dhënave nga vendvotimet , “Për” votuan 91,48 për qind ose 604.669 e qytetarëve, “ndërsa “kundër” 5,64 për qind ose 37.283 vota.
Sipas këtyre të dhënave, në votim dolën 660.980 votues ose 36,87 %.
