Sipas komunitetit të biznesit, për momentin nuk nevojiten zgjedhje të reja pasi nuk do të sjellin asgjë të mirë për ekonominë vendore. Për kryetarin e Odës ekonomike, Branko Azeski problemi nuk është tek zgjedhjet, por në mënyrën e mbajtjes së tyre dhe fushatave të gjata.
Kryeministri Zoran Zaev deklaroi se për të vazhduar trendi pozitiv i planit ekonomik, duhet të sigurohet perspektiva euro- atlantike e vendit. Këto qëndrime u dhanë në konferencën shkencore “Sfidat e ardhshme të zhvillimit ekonomik dhe politikat ekonomike të Republikës së Maqedonisë” që u mbajt në Ohër.
