Zaev: Nuk ekziston marrëveshje më e mirë për të dyja palët se ajo e marrëveshjes së Prespës - Bota Sot
Zaev: Nuk ekziston marrëveshje më e mirë për të dyja palët se ajo e marrëveshjes së Prespës

Maqedonia

Zaev: Nuk ekziston marrëveshje më e mirë për të dyja palët se ajo e marrëveshjes së Prespës

Më: 13 tetor 2018 Në ora: 18:08
Zoran Zaev

Nën titullin “Politikë është e nevojshme, jo kufij të rinj”, në faqen e parë të gazetës greke “Ta Nea” përcjell intervista kryeministrin e Maqedonisë Zoran.

Sipas korrespondentes së AIM-së nga Athina, në një intervistë të gjerë, kryeministri Zaev tha se nuk ka marrëveshje më të mirë se ajo e tanishme, duke shprehur shpresën se deputetët do të respektojnë vullnetin e qytetarëve që votuan në referendum. Ai tha se është koha që Ballkani nga baruti të bëhet një burim stabiliteti, ndërsa foli edhe për rrjedhën e negociatave, por gjithashtu i dërgon një mesazh Greqisë se tani kemi një mundësi historike për sukses si një investim për të ardhmen.

Në prag të zgjedhjeve për ndryshimet kushtetuese, kryeministri thotë se përmbushja e vizionit të së ardhmes së vendit, mbështetur nga shumica e qytetarëve në referendum, tani është në duart e çdo anëtari të Kuvendit.

“Të gjithë anëtarët e Kuvendit, pavarësisht nga struktura e tyre politike, kanë një borxh historik në emër të qytetarëve për të siguruar rrugën drejtë stabilitetit, sigurisë dhe prosperitetit ekonomik. Kjo është rruga për në BE dhe NATO që kalon përmes marrëveshjes së Prespës. Ne presim që anëtarët e Kuvendit tonë të marrin një vendim në këtë drejtim, si provë se ata respektojnë vullnetin e qytetarëve të cilët votuan në referendum, ashtu dhe rreth 80% të qytetarëve të cilët miratojnë dhe vazhdimisht kërkojnë integrimin e vendit tonë në NATO dhe BE”, tha Zaev dhe shpjegon se në qoftë se “deputetët nga OBRM-PDUKM-së vazhdojnë të refuzojnë të marrin përgjegjësi dhe të qëndrojnë në pozitat e tyre që po kërcënojnë të ardhmen e vendit, shumica parlamentare do të votojnë për zgjedhjet e parakohshme.

Për rezultatin e referendumit Zaev tha se votuan 600.000 qytetarët dhe mbi 90 për qind ishin “për” dhe sqaron se në mënyrë teorike duheshe të dalin 903.169 qytetarë, nga të cilët 451.583 të votonin “për”, ndërsa në rastin konkret është se numri i atyre që dhanë përgjigje pozitive është 609.813 qytetarë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...