Edhe Maqedonia kundër Thaçit për kufijtë, Zaev: Ballkanit nuk i duhen konflikte të reja - Bota Sot
Edhe Maqedonia kundër Thaçit për kufijtë, Zaev: Ballkanit nuk i duhen konflikte të reja

Maqedonia

Edhe Maqedonia kundër Thaçit për kufijtë, Zaev: Ballkanit nuk i duhen konflikte të reja

Më: 14 tetor 2018 Në ora: 12:49
Zoran Zaev dhe Hashim Thaçit

Kryeminstri i Maqedonisë, Zoran Zaev ka folur për herë të parë për mundësinë e ndryshimit të kufijve në Ballkan, apo shkëmbimit të territoreve mes Kosovës dhe Serbisë.

Në një intervistë për agjencinë e lajmeve “Ta nea”, Zaev ka thënë Maqedonia përkrah një zgjidhje pozitive për Kosovën, mirëpo se Ballkanit nuk i duhen luftëra të reja.

“Qeveria e Maqedonisë mendon se Ballkanit nuk i duhen konflikte të reja. Vetëm të bashkuar ne mund të përparojmë më shpejt, dhe të përmbushim aspiratat tona për në BE. Maqedonia po ashtu përkrah një zgjidhje e cila do të ishte positive për Kosovë”, ka thënë Zaev.

Sipas tij, marrëveshja mes Kosovës dhe Serbisë duhet të sigurojë mirëqenien e serbëve në Kosovë si dhe të gjithë qytetarëve të saj.

“Është shumë e rëndësishme për të gjithë liderët në regjion që të jenë të bashkuar për arritjen e qëllimeve të përbashkëta, dhe ato janë paqja afatgjatë, bashkëpunimi regjional, zhvillimi ekonomik dhe anëtarësimi në BE”, ka përfunduar ai.

Theksojmë se kundër korrigjimit të mundshëm të kufijve tashmë ka dalë vetëm Gjermania.

Ndërkohë që Shtetet e Bashkuara të Amerikës ende nuk kanë definuar qëndrimin sa i përket kësaj çështjeje, teksa zyrtarë të lartë amerikanë kanë deklaruar vazhdimisht se Prishtinës dhe Beogradit i duhet dhënë hapësirë që të arrijnë marrëveshje.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera