Shefi i diplomacisë së Sllovenisë, Miro Cerar thotë se “tani jam optimist. Më parë isha optimist mesatar, por tani besoj se votimi në Kuvend, kur u mblodhën votat për të filluar ndryshimet kushtetuese, u shfaq një vullnet i fuqishëm të përfundohet me këtë proces në fillim të vitit të ardhshëm. Besoj se tani është e nevojshme me gjithë energjinë të propozohet të çohen punët deri në fund, deri në atë nivel që do t’i mundësojë Maqedonisë të anëtarësohen në NATO dhe do t’i hap dyert e BE-së. Për këtë gjithmonë do të ketë përkrahje nga vendi ynë”.
Sipas tij, vetëm me energji të re, optimizëm të ri, mund të bëhet hap përpara drejt BE-së, posaçërisht drejt NATO-s. Sllovenia, përsëriti, fuqishëm i përkrah përpjekjet aktuale të qeverisë, guximin dhe urtësinë që solli deri te ndryshimi i Kushtetutës, me çka, i mundëson Maqedonisë të mund të anëtarësohet në aleancën euroatlantike.
Pas takimeve në Shkup me Ivanovin, Zaevin dhe Dimitrovin, Cerar thotë se procesi është i rënde, por se duhet të zbatohet deri në fund, ndërsa për këtë, sipas tij, qeveria e ka përkrahjen e qytetarëve të Maqedonisë.
“Sllovenia do të ndihmojë në të gjitha mënyrat e mundshme, të gjithë ne të kuptojmë se ky është vendimi përfundimtar i popullit të Maqedonisë. Por gjithashtu në interes të Sllovenisë dhe rajonit më të gjërë është që Maqedonia të anëtarësohet në NATO dhe BE, të bëhet anëtare e Evropës tonë”, tha Cerar i cili mori pjesë në hapësirat e reja të Ambasadës së Sllovenisë.
Ai rikujtoi se Sllovenia është vendi i parë që ka hapur Ambasadë në Maqedoni dhe që atëherë, thotë ai, përpiqemi të bëjmë gjithçka t’i ndihmojmë Maqedonisë në rrugën drejt BE-së.
